17-р жарны төмөр үхэр жил буцаж, “Буян үйлдэгч” хэмээх усан бар жил айлчлан ирлээ. Энэ жил хур бороо ихтэй байх бөгөөд залууст ээлтэй, нялхаст дунд зэрэг, өвгөдөд ширүүн жил болно гэдгийг анхааруулж байна.
Жилийн өнгө төрхийг үхэр хариулаач хүүгийн төрх байдлаар шинжилдэг. Шороон үхрийн зурлагын шинжээр жилийн эхээр гандуу, дөрвөн улирлын эхээр хур бороотой бөгөөд хур ус ихдэх аюултай гэжээ. Ялангуяа жилийн дундуур үер усны аюултайг анхааруулжээ.
Жаран жилд нэг удаа ёгт нэр давхацдаггүй. Энэ жилийн тухайд “Буян үйлдэгч” буюу ёгт нэр нь “Сайжруулагч” хэмээх эерэг утгатай жил тохиож байна.
Бар жилд бич жилтэй хүмүүсийн их харш, харин могой жилийн бага харш тохиож байгаа учраас онцгойлон засалтай.
