Цахим хөгжил, инновац, харилцаа холбооны яам, Жайка болон Оксфордын их сургуулийн кибер аюулгүй байдлын чадавхын төвтэй хамтран “Монгол улсын кибер аюулгүй байдлын өнөөгийн түвшнийг үнэлэх” судалгааг эхлүүлжээ. Кибер аюулгүй байдлын чадавхийг үнэлэх загварчлалыг Их Британийн Засгийн газар, олон улсын байгууллага, эрдэм шинжилгээний байгууллага, хувийн хэвшлийн болон иргэний нийгмийн байгууллагаас бүрдсэн 200 гаруй мэргэжилтэн хамтран боловсруулж, таван түвшнээр тодорхойлох юм байна.
Цахим хөгжил, инновац, харилцаа холбооны яам, Жайка болон Оксфордын их сургуулийн кибер аюулгүй байдлын чадавхын төвтэй хамтран “Монгол улсын кибер аюулгүй байдлын өнөөгийн түвшнийг үнэлэх” судалгааг эхлүүлжээ. Энэхүү судалгааг хийснээр Монгол улсын кибер аюулгүй байдлыг хангах өнөөгийн нөхцөл байдал, хүчин чармайлтыг бодитойгоор тодорхойлж, цаашид авч хэрэгжүүлэх арга хэмжээнүүдийг тодорхойлох, кибер аюулгүй байдлын талаарх мэдлэг, чадавхыг нэмэгдүүлэх, хөрөнгө оруулалтыг оновчтой зохион байгуулах, иргэдийн кибер аюулгүй байдлыг хангах бодлого төлөвлөлтөд итгэх итгэлийг нэмэгдүүлэхэд чухал ач холбогдолтой гэдгийг албаныхан онцолж байна.
УИХ-аас кибер аюулгүй байдлын тухай хуулийг 2021 онд баталж, Монгол улсад кибер аюулгүй байдлыг хангах эрхзүйн орчныг бүрдүүлсэн. Түүнчлэн Засгийн газрын 2022 оны 493 дугаар тогтоолоор “Кибер аюулгүй байдлын үндэсний стратеги”-ийг баталж, үндэсний хэмжээнд кибер аюулгүй байдлыг хангах 5 зорилт, 40 арга хэмжээний хэрэгжилтийг ханган ажиллаж эхэлжээ.
Мөн кибер халдлага, зөрчлийг илрүүлэх, таслан зогсоох, хариу арга хэмжээ авах, түүнд өртсөн дэд бүтэц, мэдээллийн системийг нөхөн сэргээхэд мэргэжил, арга зүйн туслалцаа, дэмжлэг үзүүлэх үндсэн чиг үүрэг бүхий хүний нөөц, техник, технологийн чадавх, мэдээллийн сан бүхий кибер халдлага, зөрчилтэй тэмцэх үндэсний төв, нийтийн төв, зэвсэгт хүчний төвийг байгуулж, үйл ажиллагааг эхлүүлсэн гэдгийг салбар яамнаас онцолж байсан юм.
