Мөн Ши Жиньпин Хятад улс хөгжиж байгаа улс орнуудтай хамтран ажиллаж, дэмжлэг үзүүлж байгааг онцлон тэмдэглэж, дэлхийн бөмбөрцгийн өмнөд хэсгийн орнуудын шинжлэх ухаан, технологийн шинэчлэлд илүү сайн нэвтрэх боломжийг олгох зорилгоор олон тусламжийн хөтөлбөр хэрэгжүүлэхээр бэлтгэж байгаагаа уламжилжээ.
Дэлхийн засаглалын институцийн шинэчлэлийн хуралдаан дээр Хятадын удирдагч Ши Жиньпин ногоон болон нүүрстөрөгчийн давхар ислийн ялгарал багатай ирээдүйн төлөө гэсэн уриа лоозонг урдаа барьсан ч бодит байдал дээр ногоон шилжилтээс зугтаж байгаа “Хорийн бүлэг”-ийн орнуудад сануулга хүргүүлэв. Тухайлбал тэрээр Хятадын цахилгаан тээврийн хэрэгсэл, биодизель түлш зэрэгт ногдуулсан өндөр татварын хэмжээг дурджээ. Мөн тус бүлгийн орнууд Хятадын бараа бүтээгдэхүүнээс хараат болох вий гэсэн болгоомжлол буйг ойлгож байгаа төдийгүй олон талт хамтын ажиллагаагаар хоосон орон зайгаа нөхөж болно гэдгийг Ши Жиньпин онцлон тэмдэглэжээ.
Тэрээр "Бид дэлхийн худалдааны засаглалыг сайжруулж, нээлттэй байдлаар тодорхойлогддог дэлхийн эдийн засгийг бий болгох хэрэгтэй" хэмээн хэлсэн байна.
Латин Америкт дипломат айлчлал хийж байгаа Ши Жиньпин өнгөрсөн долоо хоногт Перугийн нийслэл Лима хотод болсон Ази, Номхон далайн эдийн засгийн хамтын ажиллагааны форумд оролцох үеэрээ мөн протекционизмыг шүүмжилсэн юм.
