Хүүхэд хамгаалал түүнчлэн хүүхдийн эрхийн талаар шат шатны байгууллагын уялдаа холбоо чухал байгаагаас гадна орон нутгийн байгууллагын оролцоо ихээр үгүйлэгдэж байна. Учир нь нийслэл хотод амьдардаг хүүхдүүдээс илүүтэйгээр хөдөө орон нутгийн хүүхдийн эрх зөрчигдөх байдал илүү байгаа юм. Нэг үеэ бодвол хөдөө орон нутагт амьдарч буй хүүхдийн сургуулийн орчин тэр дотроо модон жорлон, халаалтгүй дотуур байрны асуудал харьцангуй шийдэгдэж байгаа. Гэсэн ч өнөөдөр сум, тосгонд амьдарч буй хүүхдүүдийн ундны ус, ариун цэврийн байгууламжийн хүртээмж бага хэвээр байгаа юм. Мөн хөдөө амьдардаг 3 хүүхэд тутмын нэг нь сургуулийн өмнөх боловсролд хамрагдаж чадахгүй байна.
Ийнхүү хүүхдийн эрүүл мэнд, боловсрол, хөгжих боломжийн үзүүлэлтүүд хот, хөдөөд ялгаатай хэвээр байна. Тиймээс хөдөө орон нутгийн захиргааны байгууллагааас эхлээд бүхий л шат шатны газрууд хүүхдийн эрхэд чиглэсэн үйл ажиллагаа хэрэгжүүлэх хэрэгтэй байна.
Орон нутгийг хүүүхдэд ээлтэй болгох, хүүхэдтэй холбоотой төсөв төлөвлөлтийг сайжруулах, нийгмийн салбар дахь хөрөнгө оруулалтыг нэмэдүүлэх чиглэлд ажиллах хэрэгтэй байгааг инйхүү холбогдох мэргэжилтэнгүүд хэлж байна.
