2023-2024 оны өвөлжилт, хаваржилт хүндэрч мал аж ахуйн салбарт хүнд нөхцөл үүсэн, 1 тэрбум орчим ам.долларын хохирол учирсан байдаг. Уг хохирлыг бууруулах мөн үнийн хөөрөгдлөөс сэргйилэхийн тулд УИХ-аас гурилын болон улаанбуудайн малын тэжээлийн импортын татварыг тэгэлсэн юм. Тус шйидвэртэй холбоотойгоор жилийн эцсийн байдлаар нийт 64 мян.тн гурил татваргүй хилээр орж ирсэн байна. Үүнээс шалтгаалж дотоодын тогтмол үйл ажиллагаа явуулдаг 8 үйлдвэрийн 3 нь хаалгаа барихад хүрчээ. Тиймээс үүргээ гүйцэтгэсэн гэж хэлэхэд болох гурилын импртын татварыг тэгэлсэнг эргэн хүчингүй болгох хуулийн төслийг салбарын сайд өргөн бариад байгаа юм.
Манай улсад тогтмол үйл ажиллагаа явуулж буй 8 үйлдвэрээс 2-3 нь хаалгаа барихад хүрсэн байна. Түүнчлэн гурил үйлдвэрлэгч нарын орлого нь буурсан учир тариалан эрхлэгч нартаа ч санхүүжилтээ өгч чадахгүй доголдол үүссэн байна.
Ийнхүү дотоодын үйлдвэрүүд алдагдалд орсон учир импортоор орж ирэх гурилд татварыг эргэн ногдуулах хэрэгтэйг салбарынхан хэлж байна.
Мал аж ахуйн салбарын өвөлжилт, хаваржилтыг эрсдэл багатай даван туулахад шаардлагатай мал, амьтны тэжээл, тэжээлийн нэмэлтийг импортын татвараас чөлөөлсөн нь үүргээ гүйцэтгэсэн. Тиймээс ч стратегийн гол хүнс болох улаанбуудай болон гурилын үйлдвэрлэл, нийлүүлэлтийн сүлжээнд оролцогч талуудын үйл ажиллагааг тогтвортой болгох хэрэгтэй байгааг салбарынхан хэлж байна.
