АНУ-ын “NBC” телевиз ирэх онд “Алтан бөмбөрцөг” шагнал гардуулах ёслолыг шууд дамжуулахаас татгалзжээ. Цар хүрээнийхээ хувьд Оскарын дараа ордог тус ёслолын арга хэмжээг 1996 оноос хойш жил бүр “NBC” телевиз шууд дамжуулан үзүүлдэг байсан юм. Харин АНУ-ын “NBC” телевиз ирэх 2022 онд “Алтан бөмбөрцөг” шагнал гардуулах ёслолыг шууд дамжуулахгүй
Тус телевизийн мэдэгдэлд “Олон үндэстэн угсаатнуудыг шүүгч, гишүүдийн баг бүрэлдэхүүнд багтааж чадвал ирэх 2023 онд уг ёслолын арга хэмжээг шууд дамжуулна гэж найдаж байна” хэмээн мэдэгджээ.
Шилдгийг тодруулдаг тус арга хэмжээг Холливудын гадаад хэвлэл мэдээллийн холбооны гишүүд ихээхэн шүүмжлээд байгаа бөгөөд “Лос Анжелес Таймс” сонины 2 дугаар сарын нийтлэлд дурдсанаар, “Алтан бөмбөрцөг” шагнал гардуулах ёслолын гишүүдийн бүрэлдэхүүнд 20 жилийн хугацаанд нэг ч өнгөт арьстан иргэн байгаагүй юм байна.
