Дэлхийн 193 орны үзэгчдэд хүрч, 67 улсад амжилттай нэвтэрч, дэлхий даяар 490 сая телевизийн үзэгчтэй, цахимаар 6 тэрбум хүн үзэж Гиннесийн рекордыг хадгалдаг “Got Talent” нэвтрүүлгийг Монгол улсад албан ёсны зөвшөөрөлтэйгөөр нэвтрүүлж эхэлсэн. Тэгвэл 5 жил завсарлаад байсан Авьяаслаг Монголчууд шоу нэвтрүүлэг өчигдрөөс эхлэн үзэгчдэд хүрлээ.
“Монгол ТВ” телевиз уг шоу нэвтрүүлгийн 1, 2, 3-р улирлын дугааруудыг Монгол улсын нийт хүн амын 80 орчим хувьд хүргэж, сошиал хэрэгслүүд болон бусад үзүүлэлтүүдээр шинэ рекордыг тогтоон Монгол улсын авьяастнуудыг дэлхийд таниулсан уран бүтээл, төсөл болон хэрэгжүүлж байна. 5 жилийн хугацаанд завсарлаад байсан уг шоу нэвтрүүлгийн 4 дахь улирлын шүүгчдээр хөгжмийн зохиолч, Төрийн Соёрхолт, Монгол Улсын Урлагийн Гавьяат зүтгэлтэн Цэрэндоржийн Чулуунбат, Монгол Улсын Урлагийн Гавьяат зүтгэлтэн хийлч Чимэдлхамын Дэлгэрцэцэг, дуучин Алтан Гадас одонт Гантөгсийн Эрдэнэчимэг, НҮБ-ын Хүүхдийн Сангийн төлөөлөгч, Батбаатарын Баттөр, нар ажиллаж байгаа юм байна.
“Авьяаслаг Монголчууд” шоу нэвтрүүлэг ням гараг бүрийн 19:30 минутаас “Монгол ТВ” телевизээр цацагдана.
