Замын түгжрэлийг бууруулахад хүүхдийн автобус чухал үүрэгтэй

-5300 ГАРУЙ СУРАГЧ СУРГУУЛИЙН АВТОБУСААР ЗОРЧИЖ БАЙНА-

Нийслэл хотын авто замын түгжрэлийн асуудлыг шийдэх гарцуудын нэгийг ЕБС-иудын сурагчдыг тусгай автобусаар гэр сургуулийн хооронд зөөвөрлөдөг болох явдал гэж харж байна. Хүүхдийн автобус нь авто замын ачаалал, түгжрэлийг бууруулах нэг шийдэл болоод зогсохгүй сурагчдын аюулгүй байдлыг хангахад ч ач холбогдолтой гэж үзэж байгаа юм. Сургуулийн автобусны тоог нэмэгдүүлснээр нийслэлийн замын түгжрэлийг 25 хувиар бууруулах боломжтой гэж тооцоолж болох юм.

-НИЙТ 250 МЯНГА ГАРУЙ СУРАГЧДЫН 40 ГАРУЙ ХУВЬ НЬ НИЙТИЙН БОЛООД ХУВИЙН ТЭЭВРИЙН ХЭРЭГСЛЭЭР ЗОРЧДОГ-

Тэгвэл нийслэлд хамгийн их сургуулийн автобустай хувийн сургууль 13 чиглэлийн мөн тооны автобусаар 300 гаруй сурагчдад үйлчилж байгаа юм. Нэг сурагчийн ард нэг тээврийн хэрэгсэл замын хөдөлгөөнд оролцдог гэвэл 300 гаруй тээврийн хэрэгслийн хөдөлгөөнийг ачааллыг 13 автобусаар шийдчихэж байгаа юм. Жишээ нь сургуулиасаа 4км-ийн хол гэртэй хүүхэд автобусаар сургуульдаа 20-30 минутанд очдог бол хувийн автомашинаар явахад түгжрэлд хоёр цагийг зарцуулдаг байна. Сургуулийн автобус хүүхдийн аюулгүй байдлыг хангахаас гадна түгжрэлд цаг алдахгүй учраас хүүхдүүдэд өөрийгөө хөгжүүлэх чөлөөт цаг гардгийг хүүхдийн автобустай сургуулийн нийгмийн ажилтан онцолж байгаа юм. Ялангуяа хамран суралцах тойрогтоо сурдаггүй гэрээсээ олон км хол замыг туулж сургуульдаа явдаг сурагчид хувийн автомашин эсвэл нийтийн тээврээр зорчдог. Тэгвэл төрийн бус өмчийн 115 сургууль байгаагаас 28 нь сургуулийн автобустай буюу хувийн сургуулийн 98 автобус нийслэлийн замын хөдөлгөөнд оролцож сурагчдыг тээвэрлэж байгаа юм. Тэгвэл төрийн өмчийн 137 сургууль байгаагаас 26 нь сургуулийн автобустай байгаа юм. Төрийн өмчийн сургууль дээд тал нь нэг автобустай тухайн автобусаар гэр сургуулийн хооронд нийтийн тээвэр явдаггүй, сургуулиасаа алслагдсан хүүхдүүд зорчдог байна.

Б.Хулан