2024 оны дэлхийн аварга шалгуурах даамын тэмцээнд манай улсаас оролцсон хүүхдүүд нийт 12 алтан медаль хүртэж, дэлхийн аваргын болзлоо хангалаа. Тэдний нэг нь дэлхийн даамын аварга Дэлгэрмаа охин. Түүний хувьд даамын 3 төрөлд алтан медаль хүртсэн юм. Мөн дэлхийн аваргын болзол хангасан Түвшинбаярын хувьд блиц буюу хамгийн хурдан нүүдэг даамын төрөлд Польшийн тамирчинг ялж, алтан медаль хүртжээ. Дэлхийн даамын аварга Түвшинбаярын хувьд даамын нүүдлийн дунд цохио гаргаж тоглох нь ихэд сонирхлыг нь татдаг гэж тэрбээр хэлж байсан юм.
2024 оны Өсвөр, Залуучуудын Дэлхийн аварга шалгаруулах 100 буудалт даамын тэмцээн 10-дугаар сарын 25 наас 11-дүгээр сарын 02-ны өдрүүдэд Польш улсад зохион байгуулагдсан. Тус тэмцээнд 25 орны 300 гаруй тамирчин охид, хөвгүүд насны ангилалдаа өрсөлдсөн юм.
Дэлхийн аварга шалгаруулах даамын тэмцээн нь стандарт буюу тэмцээний үндсэн төрөл, түргэвчилсэн буюу рапид төрөл мөн хамгийн хурдан нүүдэг блиц төрлөөр зохион байгуулагддаг юм. 2024 оны өсвөр, залуучуудын дэлхийн аварга шалгаруулах 100 буудалт даамын тэмцээнд эх орныхоо нэрийг өндөрт өргөж төрийн дууллаа дэлхийн дэвжээнд эгшиглүүлж, манай улсын баг тамирчид дэлхийн аварга боллоо.
