Даваа гарагт Улсын онцгой комиссоос “Ковид-19”-ийн цар тахлын нөхцөл байдалтай холдбогдуулан мэдэгдэл хийсэн. Уг мэдэгдлийн үеэр хэд хэдэн чухал шийдвэрийг танилцуулсан юм.
УОК- ын хуралдаанаас гарсан шийдвэрүүд
- ЭМЯ, ХӨСҮТ, эрдэмтэн судлаачдын санал дүгнэлтийг үндэслэн битүү орчинд амны хаалттай үйлчлүүлэх боломжгүй хоол үйлдвэрлэл, үйлчилгээний газруудыг 10-р сарын 1-ээс эхлэн 11-р сарын 1 хүртэл 22:00 цагаас хойш ажиллуулахгүй байх
- Их, дээд сургуулийн дотуур байранд халдвар илэрсэн тохиолдолд хариу арга хэмжээ авч хэрэгжүүлэх төлөвлөгөөг боловсруулах, бэлэн байдлыг хангах
- Алтанбулаг боомтоор ачаа тээвэрлэхдээ тээврийн хэрэгслийн толгойг солих зарчмаар явах журмыг хүчингүй болгон цаашдаа автомашины толгойг солихгүйгээр тээвэрчид ачаа буулгах цэг рүү явах
- 10-р сарын 15-аас эхлэн хилийн чанадаас ирж буй иргэдийг тусгаарлан ажиглах байранд тусгаарлахгүй. Нисэх онгоцны буудал дээр PCR шинжилгээнд хамруулан гэрийн ажиглалтад шилжүүлэхээр тус тус шийдвэрлэлээ.
