Далд эдийн засгийг ил болгож, төлсөн татвараа бүртгэлжүүлэх зорилготой “Нэмэгдсэн өртгийн албан татварын тухай” хуулийг 2016 оноос хэрэгжүүлж эхэлсэн. НӨАТ-ын орлого сүүлийн 3 жилийн байдлаар 25 хувиар өсч, энэ оны эхний 8 сарын байдлаар 403.2 сая ширхэг баримтыг цахим төлбөрийн баримтын системд бүртгүүлээд байгаа юм байна. Тэгвэл УИХ-ын нэр бүхий гишүүд болон иргэдийн зүгээс НӨАТ-ын урамшууллын систем буюу буцаан олголтын хувь хэмжээг нэмэгдүүлж, сар бүр зохион байгуулдаг сугалааг зогсоох шаардлагатай гэж үздэг. Тэгвэл сангийн сайдын зүгээс НӨАТ-ын урамшууллын систем буюу 2 хувийн буцаан олголтыг нэмэгдүүлэхгүй боломжгүй, харин ч буцаан олголтыг тэглэх хэрэгтэй гэжээ. НӨАТ-ын тухай хуулийн хүрээнд татварын хувь хэмжээг өнгөрсөн хугацаанд огт нэмээгүй ч бүртгэлийг сайжруулж, нуугдмал өрүүдийг цэгцлэх чиглэлээр ажиллаж байгаа учраас далд эдийн засаг ил болоход үр дүнтэй байгаа юм байна.
